Abastenia St. Leger Eberle

Abastenia St. Leger Eberle
keunstner
persoanlike bysûnderheden
nasjonaliteit	Amerikaansk
berne	6 april 1878
berteplak	Webster City (Iowa),
stoarn	26 febrewaris 1942 (63 jier)
stjerplak	New York City
wurkpaad
wurksum as	byldhouwer
streaming	Ashcan School New Sculpture Realisme
bekendste   wurk(en)	Girl Skating (1907) White Slave (1913)

Abastenia St. Leger Eberle (6 april 1878 – 26 febrewaris 1942) wie in Amerikaansk byldhouster bekend fan har krêftige, lytse brûnzen bylden fan earme emigranten fan de Lower East Side yn New York City.

As keunstner wie Eberle der sterk fan oertsjûge dat keunstners politike en maatskiplik engazjearre keunstwurken meitsje moasten dy't aktuele fraachstikken wjerspegelen.

Eberle krewearre in grut part fan har libben oan likense rjochten foar Amerikaanske froulju en (maatskiplike) gelikens yn it algemien. Har ferneamdste wurk, The White Slave, 'de wite slaaf', dat berneprostitúsje útbyldet, soarge foar 'in stoarm fan kontroverze' op de tentoanstelling op de Armory Show fan 1913. ^[1]

Sy waard in protte beynfloede troch it wurk fan sosjaal wurkster fan de earste oere Jane Addams (1860–1935) en fielde har tige belutsen by de feministyske beweging.

1. ↑ Susan P. Casteras, "Abastenia St. Leger Eberle's White Slave", Woman's Art Journal, 1986 (Jstor.org)]